Euskarazko pelikula onenaren saria irabazi du 'Urzulo'-k Bilbon

Bilbao Mendi Film Festivaleko epaimahaiak "gidoiaren indarra, iluntasunean grabatzeak daukan zailtasuna eta Euskadiko leku ezezagunak azaleratzeko espiritua" nabarmendu ditu Aloña Mendi espeleologia taldeak ekoiztutako eta Xanti Ugartek zuzendutako pelikulan.

Zilarrezko eguzki-lorea irudikatzen duen trofeoa eta 1.000 euro jaso dute sari modura. Espeleologia taldearendako materiala erostera bideratuko dute dirua. "Jaialdian gure pelikula onartu izana ezustea izan zen guretzat eta sariarekin goaz! Oso pozik gaude", esan du Xanti Ugarte zuzendariak.

Beste jaialdi batzuetara 

Bilboko jaialdian izan duten harrera kontuan hartuta, pelikula beste jaialdi batzuetara aurkeztea ez dute baztertzen. "Esperientzia aberasgarria izan da Bilbokoa eta egin diguten harrera oso ona. Uste dut Urzulo-k badituela beste jaialdi batzuetan egoteko aukerak". 

Urez betetako kobazuloa da Urzulo. Barruko zirrikituak erakusten ditu Ugartek, izen bereko filman.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.