Alacanteko Villena kartzelara eramango du elkartasuna Ernaik abenduaren 19an

Zapatu eguerdian Ernaik egindako prentsaurrekoa Oñatiko plazako kioskoan

Ernaik euskal preso eta iheslarien eskubideak aldarrikatzeko ekintzak antolatu ditu abenduan. Hala, urtarrilean egingo diren bi manifestaziora joateko deia egin dute.  Baina, Oñatiko Ernaik, gazteendako egitaraua prestatu du eta ekitaldi nagusia abenduaren 19an egingo du:  aurten, elkartasuna Alacanteko Villena kartzelara eramango duten martxa antolatu du. Izena  abenduaren 16a baino lehen eman beharko da.

Euskal preso eta iheslarien eskubideak aldarrikatzeko bi manifestazio egingo direla aldi berean Urtarrilaren 9an, azaldu du Ernaik: bata Bilbon eta bestea Baionan. "Gure ustez, manifestazio horietara joatea ezinbestekoa bada ere, presoen auzia konpontzeko eta etxean ahalik eta azkarren egon daitezen, gure egunerokoan, konpromisoak hartzeari ekin behar diogu. Horregatik, Oñatiko Ernaik gazteontzako egitaraua prestatu du. Informazioa kalean jarriko dugun postuan jaso dezakete herritarrek", azaldu dute.

Egitaraua:

Argazki erraldoia: abendauren 12an, 19:30ean Ona tabernako plazatxoan.

Martxa: abenduaren 19an, Alacanteko Villena espetxera martxa antolatu du Ernaik. Izan ere, Villenako kartzelan Joseba Arregi oñatiarra dago. "Martxan bertan hainbat ekimen egingo dira, kontzertua, txalaparta, bertsoak... "Animatu beraz! Izena emateko tokiak Arrano, Boga, Ona eta Ongi izango dira, epea Abenduak 16 baino lehen. Beraz, presoen auzia konpontzeko gazte guztion konpromisoa  ezinbestekoa delako!".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.