Produktu fitosanitarioen aplikatzaile txartelaren inguruko argibideak emango dituzte Oñatin

2015eko azaroaren 26tik aurrera erabiltzaile profesional eta saltzaileek produktu fitosanitarioen erabiltzaile agiria eduki beharko dute.

Produktu hauen erabiltzaile agiria lortzeko titulazio betekizunak bete beharko dira, edo antolatzen diren ikastaroak gainditu.

Honen inguruko zalantzak argitzeko Deba Garaia Landa Garapeneko Elkarteak bilera informatiboa antolatu du Oñatiko Kultur Etxean. Hitzaldia azaroaren 25ean izango da, eguaztena, goizeko 11:30etan. 

Hizlariak Fernando Diez eta Ane Miren Agirrezabala Gipuzkoako Foru Aldundiko teknikariak izango dira. Besteak beste agiria derrigorrezkoa den, zertarako balio duen eta nork lortu behar duen argituko dute.

Izena emateko Deba Garaia elkartera deitu behar da, 943 76 25 47 edo 656 781 415 telefono zenbakian. Posta elektronikoa ere bidali daiteke marikarmen@debagaraia.com helbidera.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.