Oñatz dantza taldeak 45 urte betetzen ditu aurten eta dagoeneko prestatu du urteurren hori ospatzeko egitaraua. Zubikoan egingo duen jaialdi bat eta herri bazkaria dira ekitaldi horietako bi, eta bietarako txartelak salgai jarri ditu dagoeneko
Ekitaldi nagusia azaroaren 14an izango da Zubikoa kiroldegiko pilotalekuan. Oñatz dantza taldeak, Oñatiko Udal Musika Bandak, abesbatzak eta Aita Madina Txistulari taldeak hartuko dute parte, besteak beste, ekitaldi horretan. Sarrerak 10 eurotan daude salgai Txokolateixian eta kultura etxean. Hilaren 21ean, berriz, bazkari herrikoia egingo dute eta hara joateko sarrerak toki berdinetan eros daitezke 25 eurotan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
