Urriko azken zapatua izanik, kontzejupean elkartu dira eguerdian hainbat lagun euskal kantuak kalean abesteko asmoz eta gogoz. Bertan hasi dute emanaldia eta poliki-poliki Kale Zaharra alderako bidea hartu dute kantuan.
Ordu eta laurden inguru ibili dira abesten, Txantxiku Ikastolak eta Jose de Azpiazu musika eskolak martxan jarritako ekimenean. Apirilean egin zuten lehenengo saioa, hileko azken zapatuan elkartzen dira, eta ekainera bitartean hiru saio egin ostean, irailean ekin zioten berriro ekimenari.
Azaroaren 28an irtengo dira hurrena Herrixa Kantuan ekimenekoak, kaleak euskal abestiekin alaitzera.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.