Eguaztenean, urriak 28, itxi zuten aurtengo Oñatiko Laburmetrai Rallyan izena emateko epea. Antolatzaileek parte hartzaileen muga 20 taldetan jarri zuten, eta 19k zeukaten izena emanda eguaztenean. Hala ere, antolaketa taldeko Aitor Perosterenak esan duenez, agian oraindik ere animatuko da norbait azken unean hutsune hori betetzera
Pozik daude antolakuntza taldean; izan ere, herrian arrakasta duen egitasmoa da laburmetrai rallya. Hala, aurten iaz baino bi talde gehiago apuntatu dira. Gainera, Perosterenak azaldu duenez, "orain arteko ediziotan aritutako ia talde guztiak aurten ere animatu dira".
15-16 urteen bueltan dabiltzanetatik hasita 45 urtetaraino, adin desberdinetako jendeak hartuko du parte aurten ere. Perosterenak azaldu duenez, talde guztiak Oñatikoak dira.
Kaleak zinema estudio
08:00etako gosari-aurkezpenarekin hasita, taldeek 11 ordutan grabatu eta editatu beharko dituzte lanak emandako gaia, generoa eta objektua landuz. 21:30ean, lanen proiekzioa eta sari banaketa izango dira Santa Ana aretoan.
Sarrera banaketa
Antolakuntzatik azaldu dutenez, aurtengo edizioko berrikuntza modura, Santa Anara publiko moduan ekitaldia ikustera joateko sarrerak banatuko dituzte, ilara luzeak ekiditeko asmoz. Banaketa bihar bertan egingo dute, arratsaldeko 16:00tik 18:00ra bitartean Gaztelekuan.
Pertsonako bi sarrera banatuko dituzte gehienez, eta dohan izango dira. Arratsaldean Gaztelekuan banatzen ez diren sarrerak, Santa Ana antzokiko leihatilan egongo dira, eta ekitaldiko ateak zabaltzen direnean banatuko dira azken horiek.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
%2018.58.08.png)