Aldarrikapenak eta jaiak bat egin dute Sapaturock jaialdian

Mirari Altube Arrese 2015ko urr. 25a, 12:04

Musikak bete zuen gaztelekua atzo eta oñatiarrek ez zien hutsik egin Sarek egindako deialdiari. Poesia irakurketa izan zen; dantzan egiteko doinuak ere bai eta gau partean rocka. Sare mugimenduaren aldarrikapenei babesa eman zieten herritarrek ekitaldion bitartez.

"Balorazio formalik ez dugu egin baina oso gustura geratu gara jaialdiarekin", jakinarazi du Xabier Arregik, antolatzaile taldeko kideak, eta gaineratu: "Sareren bueltan adin ezberdinetako lagunak elkartzea zen asmoa, adierazpen ezberdinekin girotzea eta aniztasunerantz jotzea". Baita lortu ere. PObrESIAK taldeko Aimar Uribesalgok zabaldu zuen jaialdia iluntzean eta hark egindako poesia irakurketen ondoren etorri ziren Bi Xahar Geldo doinu dantzagarriekin. Iluntzeko ekitaldia bukatu zuen Kepa Zelaiak. Atsedenaldian, Sareren asmoen berri eman zuten eta beste ekitaldi batzuetako bideoak ere bai; baita jendeak bidalitako selfiak eta mezuak ere; 40 inguru jaso zituzten.

Gau partea, ostera, rock doinuendako izan zen eta giro bikaina sortu zuten Txuleton's eta Papalagi taldeek.

Kolore eta ikuspegi ezberdineko jendea

"Sare presente egotea gura dugu, eta aldarrikapenen bueltan kolore eta ikuspegi ezberdina duen jendea ekarri taldera", dio Arregik eta gaineratu du: "Orain beste batzuk har dezatela testigua eta beste ekitaldiren bat antolatu".

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak