Konposatzen eta soinu propioa lortzeko helburuarekin lan handia egin ondoren, uztailean Andoaingo Garate estudioan grabatu zuten taldearen izen bera duen hamaika kanturekin osatutako bilduma. " 10 egun egin genituen Garaten. Ezagutzen genuen aurrez estudioa eta baita Kaki Arkarazo teknikoa ere. Gustura egin genuen lan" dio Martinez de Zuazok.
Garai bateko rock soinu naturalren, gordinaren, bila joan dira, pop doinuei ere lekua eginez. Besteak beste, honako musikarien eragina izan dutela diote Lenaokoek: The Band, Neil Young, Wilco....
Sarean doan eskuragarri
Taldearen izen bereko diskoa sarean dago eskuragarri inolako kosturik barik. Edizio fisiko mugatua aterako dute Gabonetan. "300 kopia inguru egiteko asmoa dugu. Gure kabuz egingo dugu guztia eta herriko taberna eta dendetan egongo da salgai. Interneteko dendaren baten ere saiatuko gara jartzen; eta noski gure helbidera -info.lenao@gmail.com- idatzita ere egin daiteke eskaera. Ander Etxaniz taldekidearen lanetan oinarritutako liburuxka izango du. Herriko jaietan egin genuen aurkezpen kontzertua baina Olalde aita izateko dagoela-eta geldik gaude momentuz".