Arrikrutz ziklo-kros taldea errepidera irteteko gertu

Kadete eta gazte mailetako sei txirrindulari izango ditu Oñatiko taldeak. Espainiako Kopako probatan, Gipuzkoako eta Euskadiko txapelketetan eta Oñatiko lasterketan parte hartuko dute, besteak beste. Azken hori abenduaren 20an jokatuko dute.

Garazi Erostarbe, Ander Blazquez, Ander Gartzia, Andoni Igartua, Xabier Murgiondo eta Ekaitz Txintxurreta dira Arrikrutz ziklo-kros taldeko txirrindulariak. Lehenengo biak lehen mailako kadeteak eta gainerakoak gazte mailakoak.

Ziklo-kros denboraldia  urriaren 12an hasi zen eta urtarrilaren 10ean bukatuko da Espainiako txapelketarekin. Tartean hainbat proba jokatuko dira eta horietan egongo dira Oñatiko taldeko ordezkariak maila onena emateko helburuaz.

Debagoienean bi lasterketa

Euskadiko Txirrindularitza Federazioak zehaztu duen egutegiaren arabera, ziklo-kros denboraldiko bi lasterketa Debagoienean jokatuko dira: abenduaren 13an Arrasaten eta abenduaren 20an Oñatin.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.