Eguraldiak ezin izan du Errosaixo Egunarekin

Atzoko Herri Egunaren ondoren, Errosaixo Eguna ospatzen ari dira gaur oñatiarrak. Atzokoa baino eguraldi kaskarragoarekin, gaur ere era askotako ekitaldiekin gozatzeko aukera izan dute. Esaterako, Udal Musika Bandak kontzertua egin du udaletxeko arkupeetan babestuta eta haur parkea ere aterpean egin dute, Zubikoa kiroldegian, hain zuzen. Haatik, arratsaldea oraindik luzea da, eta badira ekitaldi gehiago.