Mikel Deuna Pilota Txapelketako finalak, domekan

Xabier Urtzelai 2015ko urr. 2a, 12:00

Domekan (17:00) jokatuko dituzte Mikel Deuna Pilota Txapelketako finalak Oñatin –Gipuzkoako Txapelketa– eta jaialdia hasteko erakustaldi berezi bat egongo da: gurpildun aulkiko gomazko paleta partiduak egongo dira ikusgai; hala, Oreretako Mindara elkartekoak eta Usurbilgo Pagaspekoak izango dira erakustaldia egiten. 

Lau pilotari izango dira guztira, horietako hiru gurpildun aulkian daude, eta laugarrenak protesia dauka; hala, ezinezkorik ez dagoela erakutsiko dute. 

Kadeteak eta gazteak 

Ondoren etorriko dira finalak. Kadete mailan Gasteizko Uribe eta Donostiako Miguez pilotariek Urnietako Osa eta Markinako Ibarloza izango dituzte aurrean. Gazte mailan, ostera, Arrasateko pilotari bat izango da finalean, Garate, hain zuzen. Garatek Andoaingo Usandizagarekin osatuko du bikotea, eta Alegiko Irazustabarrena eta Itziarko Salegiren kontra neurtuko dituzte indarrak.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak