Ekitaldi horiek jaietako egitarauan sartuta, Udalak "neutraltasun politikoa" urratu duela dio sententziak. Hala eman dute aditzera berri agentziek.
Era hobetan epaileek aintzat hartu dute astelehenean Carlos Urkijo Espainiako Gobernuak Euskal Autonomia Erkidegoan duen ordezkariaren eskaera. Estatuaren abokatuari eskatu zion helegitea aurkez zezala bertan behera utz zitzaten presoen eskubideen aldeko bazkari bat, elkarretaratze bat eta beste ekitaldi bat. Bazkaria gaur eguerdirako dago deituta. (Euskal Presoak euskal pilotalekuetara lelopean, BERTSO BAZKARIA merkatu plazan).
Epaiaren arabera, Oñatiko Udalak "neutraltasun politikoa" izan behar du, eta presoen aldeko ekitaldiak jaietako egitarauan azaltzen direnez, "urratu" egiten du neutraltasun hori.
Hauek dira debekatutako ekitaldiak:
- Gaur, irailak 30, 14:00: Euskal Presoak euskal pilotalekuetara lelopean, BERTSO BAZKARIA merkatu plazan.
- Urriak 2, 19:30: ELKARRETARATZEA plazan, "Euskal preso politiko eta iheslarien eskubideen alde".
- Urriak 3, 19:00: EKITALDIA txosnagunean: "Euskal preso politiko eta iheslarien eskubideen alde".