Bosgarren urtez jada, argazkilaritza taldeak jaien aitzakia baliatuta, oñatiarrengana ekarri gura izan du bere lana. 12ko sorta batek osatutako erakusketa ipini dute plazan, jaietan zehar ikusgai. Aurten herriko txokoak dira mostraren motiboa baina berezia ez da gaia, teknika baizik. Kafe ala kakao latak erabilita egindako kameren bitartez Oñatiko hainbat txokotako irudiak sortu dituzte.
Ikastaro berria
Erakusketaz gain, Ilunpetanekoek heldu diote ikasturte berriari. Urriaren 13an bi ikastaro hasiko dituzte: bat hastapenekoa (martitzenetan, 60 euro) eta bestea sakontzekoa (martitzenetan, ikasturte osoan, hamabostean behin, 180 euro). Ilunpetanekin harremanetarako bideak dira: 605 753 966 eta ilunpetan@gmail.com.
