Gol barik bukatu da Aloña Mendi eta Zarautzen arteko partidua

Igor Serranoren mutilak gogor saiatu diren arren, ez dute lortu baloia bisitarien atean sartzerik. Entrenatzaileak adierazi duenez, aurkariak fisikoki eta estrategikoki oso ondo prestatuta izan arren, lehen zatian oñatiarrak gehiago izan dira. "Hiruzpalau aukera garbi" sortu dituzte, eta Serrano "pozik" gelditu da taldeak erakutsi duen konpromisoarekin.

 

Bigarren zatian talde biek erritmoa apur bat jaitsi dute, baina, hala ere, Aloña Mendik lortu du aukera on bat edo beste sortzea.

Hala, Serranok adierazi du gustura dagoela jokalariek egindako lanarekin, eta gaur-gaurkoz taldea ondo ikusten duela denboraldira begira. Nabarmendu du aurre-denboraldi oso ona egin dutela, eta horrek konfiantza ematen diola.

Gaurko partiduarekin, oñatiarrek partidu bana irabazi, galdu eta berdindu dute, eta klasifikazioko zortzigarren postuan kokatu dira. Datorren asteburuan kanpoan jokatuko dute Oiartzunen aurka.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.