Duela 3 urte sortu zen taldea, eta, orain arte, konposatzen eta soinu berezi eta pertsonala lortzeko lanean ibili dira. Iker Martinez de Zuazo (Latzen, Potemkin, Amonal...), Egoitz Olalde (Sharon Stoner, Sorkun...), Joxeba Aranburu (Bitz...) eta Ander Etxaniz (Gas, Kepa, Ander Ta Animaliak...) dira Lenao osatzen duten musikariak.
Andoaingo Garate estudioan grabatu dute euren lehen lana. Diskoak taldearen izen bera darama eta hamaika abestiz osatua dago.
The Band, Wilco eta Neil Young artistetatik edaten dutela zehaztu du taldeak. Rock klasikoagoa jorratzen dute; euren esanetan, rock soinu naturalagoa. Horrez gain, pop doinuak ere uztartzen dituzte.
(Ander Etxaniz Lenaoko kideak eginiko artelanean oinarritutako diskoren azala)
Lenaok sare sozialetara igo du diskoa dohainik entzuteko. Gabonetarako edizio fisikoan ale kopuru mugatu bat salmentan jarriko dute.
Oñatiko herriko jaietan, urriaren 2an, zuzenekoa emango dute Atzeko kaleko plazan, 20:00etan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
