Natrak abuztu hasieran eman zion Espainiako Balio-Merkatuen Batzordeari dimisioaren berri. Beitiak Natran jarraitzen du, halere; Amerikan Natrak dituen negozioen ardura eramango du.
Kontseilari delegatu berria izendatzen den artean, batzorde delegatu bat sortu du Natrako administrazio kontseiluak. Natrako presidentea, Juan Ignacio Egaña oñatiarra da horko kide, Ana Muñoz Beraza eta Pedro Santisteban Padrórekin batera. Urte betez izango dira kargu horretan.
Iaz baino emaitza hobeak
Urteko lehen seihilekoan galerak murriztea lortu du Natra enpresa valentziarrak. Hain zuzen, 6,59 milioi euroko galerak erregistratu zituen; iaz, epe berean, 11,41 milioikoak izan ziren.
Salmentak hazi egin ziren, %14,66, hain zuzen ere; denetara, 172,99 milioiko salmentak egin zituen kakao eta txokolatearen negozioak. Horrenbestez, 8,49 milioiko Ebitda (esplotazio emaitza gordina) izan zuen Natrak; iaz, epe berean, 0,96 milioikoa izan zen.