Basoko Arkutiraketako VII. San Migel Saria atzo Oñatin

Arku Tiraketa sariko irabazle batzuk.

Atzo, igandean, ospatu zen ekitaldia Arantzazun, Zozopase inguruan. Jardunaldiaren aurretik ordea, 2015eko Autonomien Arteko Ligako 5. jardunaldirako eta Gipuzkoako Open Ligako 3.erako puntuagarri izan den beste ibilbide bat gertatu zuten. Horrela, 20 postuko bi ibilbidek osatutakoa izan zen atzoko pasea, uda bukaerako eguraldiaren laguntza eskertuarekin.

70 arkulari inguruk hartu dute parte, hauetatik 12 emakumezkoak, eta 6 gaztetxok ere bai, arku taldeen harrobia. Euskal Herriko hainbat tokitatik egin zuten agerpena atzoko ekitaldian. Arabatik, Amurrio, Aurrera eta Kiowa taldeak aurkeztu ziren, Bizkaia aldetik Abanto Gezaleriak, Santurtzi eta Zugaztietakoak, Gipuzkoarrak berriz Diarco, Ordizia eta Txantxiku Arkulariak taldeek erakutsi zuten beraien trebetasuna eta azkenik Nafarroatik Lakarri, Salesianos, Arco Iruña, Tudela, Arco Ribera eta Compañía de Arqueros de Olite.

arkulariak bigarrena

Lautan banatu ziren sariak, arkulariek erabilitako arkuaren arabera emanak. Emakumezkoetan, arku biluziko lehenengo saria Amurriora joan da, arku biribildu eta zuzenekoa berriz Nafarroara. Gizonezkoetan, arku libre eta biribilduko sariak Ordizian bukatu dute eta arku zuzenekoa Nafarroan. Etxean geratu diren sari bakarrak arku biluzian izan dira, Txantxiku Arkulariak taldeko Ander Letamendi, Gaizka Otadui eta Martin Letamendik osatu dute podium oñatiarra.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.