Oñatiko I. mendi martxa ezin arrakastatsuagoa izan da, goizean goiz mendizale mordoa abiatu delako antolatzaileek prestatutako ibilbidea egitera. Aste barruan 400 lagunek emana zuten izena, eta goizean ere gehiago animatuko ziren, seguru, bazegoelako horretarako aukera. Giroak ere lagundu egin du, eta lehenengo orduan fresko egiten zuen arren, egunean zehar eguzkiak ondo berotuko die bizkarra. Hemen goizeko lehenengo erretratu batzuk.
Martxa 07:30ean abiatu da Foruen plazatik. Eta parte-hartzaile guztiak handik Mallaraino joan dira, nor bere erritmoan, eta han banandu egin dira: ibilbide luzea egingo dutenak (36,2 kilometro) Urbia aldera joan dira eta motza egingo dutenak (24,3 kilometro) Araotz aldera. Martxa biek Foruen plazan izango dute amaiera, mendian buelta ederra eman ostean.
2015 ira 19 Oñati
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
