Duela hamar urte bota zen Kasablankako gaztetxea eta aurretik Olaitturrin egondakoa ere gogoan izango dituzte. Domekara bitartean, aste osoko egitaraua prestatu dute. Zapatuan, gaztetxe eta okupatutako eraikin ezberdinetara bisita egingo dute, adibidez; baita gazte bazkaria ere. Xolonpo ere gogoan izango dute.
Astelehenean hasi zituzten Antixeneko gaztetxearen hirugarren urteurrena ospatzeko ekitaldiak. Domekara bitartean beste hainbat egongo dira. Gaur, eguaztena, adibidez, Oñatiko 88ko kinto neska eta intsumisioekin solasaldia egingo dute 18:00etan.
Zapaturako bazkaria, kontzertuak eta sorpresak iragarri dituzte. Goizean, baina, bisita azkarra egingo dute Oñatin egon diren gaztetxe eta okupatutako eraikin ezberdinetara. Horrez gain, herriko gazte asanblada ezberdinen mahai-ingurua egingo eta Xolonporen omenezko bideoa ikusiko dituzte. Bazkarirako txartelak salgai daude Ona, Arrano eta Boga tabernetan.
Domekan, 4 urtez ametsak eraikitzen dokumentala emango dute, 19:30ean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak