Basilika diseinatu zuten arkitektoak omenduko dituzte zapatuan Arantzazun

Aurten 60. urteurrena betetzen duen basilikaren ospakizunetan, egileetako bi gura dituzte omendu. Francisco Saenz de Oizaren semeak, Luis Laorgaren bilobak eta Rafael Moneo arkitektoak hartuko dute parte, askoren artean, omenaldian. Ehunka lagun espero dituzte santutegian.

Mahai-ingurua eta bisita gidatua egingo dute zapatuan. 10:30ean, Gandiaga Topagunean, Rafael Moneok, Javier Saenz Guerrak (Saenz de Oizaren semea) eta Enrique Arenasek (Laorgaren biloba) mahai-ingurua egingo dute. Hirurak dira arkitektoak eta, hain zuzen, Moneok berak Saenz de Oizaren estudioan jaso zuen ibilbidea. 12:30ean, berriz, Nafarroako Arkitektura Eskolako zuzendari den Miguel Angel Alonsok eraikinaren irakurketa egingo du eta Xabier Lizaso piano-jotzaileak jardungo du bien tarte horretan bisita girotzen. 

Omenaldi jardunaldia osatzeko, egun berean Xavier Alvarez de Eulate pintura lehiaketa egingo da eta Arantzazu aldizkariak monografikoa eskainiko die arkitektoei. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.