Posets mendira, Aloña Mendirekin

Posets mendia (www.pirineosbtt.com)

Pirinioetara irteera antolatu du Aloña Mendiko mendi sailak irailaren 12ko astebururako. Posets (3.375m.) mendia igoko dute. Irailaren 1etik 8ra eman behar da izena. Federatuta egotea beharrezkoa da.

Posets mendirako igoera, Angel Orús aterpetxetik egingo dute. Irailaren 12an, zapatua, EristetikAngel Orús aterpetxera joango dira, 1.000 metroko desnibela irabaziz. Domekan, 1.200 metrokoa izango dute.

Aloña Mendiko mendi sailak jakinarazi duen moduan, goi mendiko ibilbidea da. Ez du zailtasun berezirik, teknikoki nahiko erraza da baina alturak eta inguruak zaildu egiten dute ibilbidea; fisikoki ondo gertatuta joan behar da.

Federatuta

Izena emateko epea irailaren 1etik 8ra egongo da zabalik. Bazkideek 60 euro ordaindu behar dute eta bazkide ez direnak, 70 euro; langabetuak, 50 euro. FEDME txartela ez daukanak 10 euro gehiago ordaindu beharko du aterpetxean. Federatuta egotea derrigorrezkoa da.

Gehienez 20 lagun izango dira taldean. Irteera irailaren 12an izango da, 06:00etan, postetxe parean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.