11:15ean etxafuegoek iragarriko dute hasi direla jaiak San Lorentzo auzoan. Eta 12:00etan mezetarako hitzordua ere egin dute. Haren ostean, bertsolariak eta trikitilariak iragarri dituzte, eta baita ere, zizka-mizka modura, pastak eta ardoa. Edozein modutan, jaien lehen eguna borobiltzeko auzo bazkaria egingo dute Larrain Gainen, Maider eta Urko Arregi bertsolariek eta Izer Lutxurdio trikitilariek alaitutakoa.
Dantza soltea
Domekan, berriz, hildakoen omenezko meza esango dute 11:30ean. Jarraian luntxa egingo dute, eta bukatzeko, Azpeitiko Luis Alberdi Beltza dantza eskolaren dantza solte erakustaldia.
