Tatarrazen logodun kamisetak ikusiko dira biharko Patin Egunean

Joan den urtean eslalom erakustaldia egin zuten

Tatarraz patinatzaileen taldeak antolatuta, II. Patin Eguna egingo dute bihar, zapatua, goizean Oñatin.

Bi irteera antolatu dituzte aurten ere, bakoitzak aukera dezan, patinen gainean ibiltzeko duen gaitasunaren arabera: Madalenaraino (bost kilometro) eta Elorregiraino (hamalau kilometro). 10:30ean izango da irteera, Foruen plazatik; ordu erdi lehenago, berotze ariketak egingo dituzte hantxe Leire Altuberekin. "Irteeran parte hartzeko zalantzak dituztenendako, patin jolasak izango dira bitartean Foruen plazan", dio Tatarraz taldeko Ainhoa Guridik. Gasteiztik etorriko den talde batek, bestalde, dantza egingo du patinen gainean plazako frontoian, 13:00etan. Joan den urtean bezala, gura duten guztiek garagardo karparen azpian bazkalduko dute gero.

Bazkideak

Mirari Sagartzazuk egin du Tatarraz taldearen logo berria eta logo hori duten kamiseta berdeak salgai egongo dira; bost eurotan bazkideendako eta zortzi eurotan bazkide ez direnendako. Bazkide egiteko aukera ere egongo da. Kuota hogei euro da urteko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.