Zubillagan bihar, egubakoitza, iluntzean hasiko dituzte auzoko jaiak eta 22:00etan hasiko da umore gaua. Zapatuan egingo dute Zubillagatik Askazubirainoko bigarren erlojuaren kontrako igoera. 11:00ean abiatuko dira parte-hartzaileak. Arratsaldean, txokolate jana, txorimaloak eta DJ Amaia Txintxurreta egongo dira, besteak beste, eta 22:00etan, urtero moduan, mozorro gaua eta lehiaketa izango dute. Domekan, auzoko nagusiak izango dituzte gogoan. Eguerdian, eurendako luntxa prestatuko dute eta omenaldia ere jasoko dute. Arratsaldean egingo dute zinta lasterketa; bertso kontzertua, 19:00etan hasiko da. Astelehenean, meza izango dute auzoko ermitan, 19:30ean.
Krosa
Torreauzon, domekan egingo dute urtero egiten den herri krosa. 11:00etan izango da hasiera. Horrez gain, auzoko bazkaria egingo dute domekan. Jaiak hasi, baina, zapatuan hasiko dira. 11:00etan trikitilariak kalejiran ibiliko dira baserriz baserri eta 13:00etan, txikiteoa egingo dute auzotarrek. 17:30ean Tor magoa egongo da eta 19:30ean, erromeria. Astelehenean, meza eta luntxa izango dute.
