Lazarragako lorategian beharrean, azokako babesean egin zuten saioa atzo arratsaldean, eguraldiagatik. Ikaskide, guraso, lagun eta herritar, jende ugari bildu zen saioa ikusi eta entzutera. Udalaren kalean programari hasiera emateko ekitaldia izan zen.
Saioan parte hartu zuten musika eskolako taldeak hauek izan ziren: triki-pandero taldea; triki-konbo taldea; trikitixa eta akordeoia; akordeoi taldea; perkusio taldea; rock taldea; eta metal taldea.
Errepertorioari dagokionez, berriz, euskal talde ezagunen kantuak –Ken Zazpi, Betagarri, Hesian...– eta nazioarteko abesti ezagunak jo zituzten.
Azokan bildutakoak gustura egon ziren Jose de Azpiazuko ikasleen doinuak entzuten.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
