Eskola jasangarriaren ziurtagiria jaso du Zuazola-Larraña institutuak

Ekainaren 2an jaso zuten ziurtagiria

Jasangarritasunaren eta ingurumenaren alde orain arte egindako lanagatik jaso du Zuazola-Larraña institutuak eskola jasangarriaren ziurtagiria. Lehendakariaren eskutik jaso zuten hilaren 2an, Busturian. Nazioarteko Ingurumen Eguna da gaur, egubakoitza, eta gaur ospatuko dute eskolan, lortutakoa.

Ziurtagiria jasotzera eskolako lau lagun joan ziren: ikastetxeko zuzendaria, Leire Iturrioz; EA21 proiektuaren koordinatzailea, Amaia Agirre eta ikastetxeko bi ikasle, Urko Arregi (4DBH) eta Ander Murillo (2DBH). "Ziurtagiri horrek ikastetxeak ingurumenarekiko duen konpromisoa adierazten du, eta batez ere, azken urteetan egindako lanaren testigantza da", adierazi dute Zuazola-Larrañakoek.

"Horregatik, ikastetxearen izenean, eta bereziki Zuzendaritza eta Eskola Agenda 21eko Batzordearen izenean, eskerrak eman nahi diegu lan honetan lagundu diguten guztioi".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.