Irailean izan ohi da San Migel jaien bezperatan egin ohi izan den haurren danborrada. Aurtengoa egin nahi bada, baina, batzorde antolatzaile berri bat osatu beharko da, orain arte lan hori egin duen taldeak utzi egin dio antolatzeari-eta.
Udalak jakinarazi du beharrezko azpiegitura, materiala eta dirulaguntza jarriko dituela danborrada hori antolatu gura duen elkarte edo norbanakoen eskura. Eredu eta proposamenak berriak izan daitezkeela badio udalak, ez dagoela zertan orain arte egin den moduan burutu ekitaldia.
Dagoeneko Jose de Azpiazu Musika Eskolak interesa agertu du eta entseguak eta musika atala koordinatzeko prest agertu da. Hala ere, lan talde zabalagoaren beharrean dago antolakuntza.
Maiatzak 18tik 25erako epea izango da izena eman eta proposamenak jasotzeko. BIdeak, hauexek: kultura.idazkaritza@onati.eus helbidea edo 943 78 0 3 53 telefono zenbakia.
