Finalerdietako aurkaria Ibaizabal talde bizkaitarra izango da; zapatuan jokatuko dute elkarren kontra, 20:00etan. Liga erregularrean izandako lehiatan talde bakoitzak garaipen bana lortu zuen: Galdakaon jokatutako partidan bizkaitarrak izan ziren nagusi (79-55), Oñatin jokatutakoan berriz, etxekoak nagusitu ziren (76-59). Beste finalerdian Askatuak talde gipuzkoarra eta Mungia talde bizkaitarra izango dira nor baino nor. Bi finalerdietako irabazleek domekan, 12:00etan, jokatuko dute final handia. Igoeraren saria bakarrik talde garailearentzat izango da.
