Programa honen barruan Txantxiku Ikastolako 80 ikaslek parte hartuko dute egubakoitzera bitartean. Beraiek egingo dituzte erosketak, beraiek prestatuko dute janaria eta elkarrekin jango dute gero. Gurasoendako saioak ere prestatu dituzte.
Horretxek eman dio, hain zuzen ere, hasiera aurtengo Txantxiku Ikastolako asteari. Gaur, esaterako, antzerkia izango dute. English Theatre Company taldearen eskutik, LH5 eta LH& eta DBHko lehen, bigarren eta hirugarren mailako ikasleei zuzendutako emanaldiak izango dituzte eta LH5ekoek, urtean antzerki tailerrean landutakoa eskainiko dute Santa Ana aretoan datozen egunetan.
Egubakoitzean, egun osoko jaia izango dute. Zapatu goizean jolas parkea, tailerrak eta ate irekiak egingo dituzte eta arratsaldean, Pirritx, Porrotx eta MariMotots pailazoen Txo, Mikmak txikia emanaldia egongo da Zubikoan, 17:00etan eta 19:00etan. Domekan, berriz, bizikleta martxa egingo dute.