Susana Arregi oñatiarraren heriotzaren 25. urteurrena beteko da ekainean eta horren harira, emakumeek euskal gatazka armatuan izan duten parte-hartzea aztertzeko jardunaldiak antolatu ditu Oñatiko Asanblada Feministak Oñatiko Euskal Memoria Taldearekin batera. Domekan duela 25 urte Irunberrin gertatutakoaz mintzatu ziren; gaur, eguena, Kurdistango gatazkan emakumeari emandako garrantziaz jardungo dute. Eguaztenean, euskal gatazka armatuan emakumeen parte-hartzearen nondik norakoak aztertuko dute eta maiatzaren 12an, Zaintza eta Euskal Herria bideo emanaldia eskainiko dute. Antixena gaztetxean dira antolatutako ekitaldi guztiak.