Proba gogorra da Gold Sprint, izan ere, arrabol gaineko bizikleta baten gainean gogor eman behar die pedalei parte hartzaileak sprintak irabazi gura baditu. Iazkoarekin alderatuz parte-hartzaile gutxiago batu ziren atzokoan; Oñatitik zein kanpotik etorritako 16 lagunek jardun zuten bizikleta gainean lehian. Binaka lehiatuta denboraren araberako sailkapena egin zuten eta horren arabera jokatu zituzten buruz-burukoak eta finala gero. Etxean geratu ziren aurtengo Kantoikrit maillota eta xanpain botila, Oñatiko Joseba Albisu izan zen-eta atzo onena.
Gaztelekua ikuslez beteta
Jai giroan egin zuten atzokoan ere Kantoikrit-ek antolatutako txapelketa eta askotariko adinetako ikusle asko batu ziren gaztelekuan, 19:00etan hasi eta 22:00ak bitartean iraun zuen txapelketan edarto gozatuta. Antolatzaileak gustura, bada, atzokoak eman zuenarekin, eta dagoeneko aurreratu dute datorren urtean hirugarrena izango dela.