Zinema eta Santa Anako kultur ekitaldiak txantxiekin ordain daitezke

Oñatiko zinema zerbitzuko eta Santa Ana antzokiko kultur ekitaldietako sarrerak txantxiekin ordain daitezke dagoeneko. Bestalde, gaur, eguaztena, txantxiari buruzko informazio hitzaldia egingo dute Ulma taldeko zerbitzuko zentraleko auditorioan.

Herriko ikastetxeetan ere ari dira txantxiei buruzko hitzaldi informatiboak ematen udal ordezkariak. Batxilergoko mailako ikasleei zuzendutakoak egin dituzte eta orain DBH mailakoendako egingo dituzte.

Txantxiaren erabilpenaren hirugarren fasearekin jarraituz, eta industriara jauzi egiteko amoz, bilerak egingo ditu Udalak Ulma taldeko langileekin. Horietako bi gaur, eguaztena, bertan izango dira. Josu Lizarralde soziekonomia batzordeburuak Txantxia: Zer da eta nola funtzionatzen du? hitzaldia emango du Ulmako eraikin nagusian, Garagaltza auzoan. Hitzaldiak 11:00etan (arratsaldeko erreleboan lanean dauden langileendako) eta 18:00etan izango dira.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.