Gasteizko Txapelarri tabernako arduradun Nagore Lazkano oñatiarra libre utzi du Auzitegi Nazionalak, Gasteizko Harresiak aditzera eman duenez. 27 urteko gazte oñatiarrari fiskaltzak leporatu zion terrorismoa goratzea Gasteizko Aiztogile kalean dagoen Txapelarri tabernan presoen kartelak eskegita edukitzearren. Fiskaltzak akusazio horrengatik bi urteko kartzela zigorra eta beste 10 urteko gaitasungabetzea eskatzen zuen. Auzitegi Nazionalak absolbitu egin du. Hala eman du jakitera Gasteizko Harresiak twitterren.
