Finalera nortzuk joango diren, baina, asteburu honetan bertan erabakiko da, finalerdiak jokatu ostean. Ligakoak, zapatuan izango dira. Hala, 14:30ean, Albok eta Etxaixat taldeen arteko partidua hasiko da. Epailea Arrilla izango da. Ligako bigarren finalerdia, berriz, Kalañatasaray eta Dollygans taldeek jokatuko dute, 18:30ean. Partidu hori Marku-k epaituko du.
Kopako bi finalerdietako bat ere zapatuan jokatuko da. 20:00etan hasiko da Xaguxar eta Txarrixak taldeen arteko partidua, Lazkano-ren agindupean. Bundeswehr eta Paketinaikos taldeen arteko partidua domekan izango da, 13:30ean. Moli-k gidatuta. Partidu guztiak Azkoagainen izango dira.
Finaleko partiduak ere herriko futbol zelai nagusian jokatuko dira. Aste Santuko oporraldiaren ostean izango dira, apirilaren 18an. Orduak zehazteke daude.