Irunberriko gertaeren gaineko dokumentala eman dute Oñatiko gaztetxean

Julen Iriondo 2015ko mar. 21a, 11:07

Ekainean beteko dira 25 urte ETAko kide Susana Arregi oñatiarra eta Jon Lizarralde andoaindarra Irunberriko arroilan (Nafarroa) hilda agertu zirela –hirugarren bat, German Rubenach, zaurituta baina bizirik atera zen–. Jose Luis Hervas guardia zibila ere hil zen gertaera haietan. Atzo gaztetxean emandako dokumentalak gogorarazten du orduan gertatutakoen xehetasunak ez direla ezagutzen oraindik, bere garaian emandako bertsio ofizialari sinesgarritasuna ukatuz.

Jende kopuru polita batu zen atzo iluntzean Oñatiko gaztetxean dokumentala ikusteko. Adi jarraitu zuten guztiek, besteak beste, Susana Arregi oñatiarraren heriotza ekarri zuen Irunberriko 1990eko gertaera haren ingurukoak jasotzen dituen ikus-entzunezkoa.

Dokumentalean ETAko kideen senide eta lagunek, abokatu batek eta udal ordezkariek hartzen dute parte, besteak beste; bertan, zalantzan jartzen dira gertaeraren gainean bere garaian emandako bertsio ofizialak. Guardia Zibila bertan eta irtenbiderik gabe ikustean, ETAko kideek beren buruaz beste egin zutela esan zen aurrena, eta Rubenachi egotzi zioten ondoren Arregi eta Lizarralde hiltzeko tiro egin izana (haien baimenarekin, lehen esandako arrazoiengatik). 1995ean, baina, Auzitegi Nazionalak atzera bota zuen bertsio hori. Horrela, dokumentaleko protagonistek Irunberrin gertatutakoaren egia ezagut dadin eskatzen dute.

Erlazionatuak

Egia jakiteko eskubidea

Irati Goitia 2015 mar 18 Oñati

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak