Gaur, egubakoitza, bertso afaria izango da. Aitor Bizkarra, Txaber Ormazabal, Aratz Igartzabal eta Urko Arregi oñatiarrek girotuko dute. 21:30ean da hitzordua.
Aurtengo berezitasuna izango da txotx egiteko aukera egongo dela. Txartelak Ona, Arrano eta gaztetxean erosi daitezke, 8 eurotan.
Tania de Sousa bakarlaria
Bestalde, bihar, zapatua, kontzertua izango da Antixenean: Tania de Sousa (Zestoa) eta Blaster M (Gernika). 22:00etan hasiko da emanaldia.
Irailean kaleratu zuen Tania Tank izeneko diskoarekin etorriko da De Sousa, eta ondoan izango ditu honako musikari hauek: Ander del Sol (Kasernarat; bateria), Maitane Alonso (The Dispositives; baxua) eta Fermin Bouza (Correos; gitarra, koruak eta sintetizatzaileak). Musikalki, pop-rock giroetara bideratzen da musika egitasmo berri hori. Maitasuna eta norberaren barrurako begirada dira abestietako gai nagusiak. Beraiekin batera, Blaster M gernikarrak arituko dira.