Ray Fernandezek giro polita jarri du gaztelekuan

Ray Fernandez Oñatiko gaztelekuko ikuskizunean.

Ruper Ordorika musikari oñatiarrak gaztelekuko agertoki gainetik aurkeztu zuen zapatu gauean Ray Fernandez musikari kubatarra. 150 lagun inguru izan ziren Ray Fernandezek Euskal Herrian ematen duen lehen zuzenekoa ikusten, eta abesti animatuek eta kantautorearen berriketaldiek giro polita jarri zuten.

Oñatiko musikari Ruper Ordorikak ondo ezagutzen du Ray Fernandez. Izan ere, Kuban zuzenekoak eskaini zituzten Bladimir Zamora idazlearekin batera. Kubatarrak Euskal Herrian ematen zuen lehenengo kontzertua Oñatin izan zela aprobetxatuta, Ordorikak ez zuen ikustera joateko aukera galdu nahi izan eta berak aurkeztu zuen Ray Fernandez kontzertua hasi baino lehen.

Behin kontzertua hasi zenean, ikus-entzule batzuk agertokiaren aurreko aldean zeuden mahaien inguruko aulkietan eseri ziren, eta beste batzuk, berriz, zutik gozatu zuten ikuskizunarekin. 

Kantu alaiak jo zituzten eta bertaratutakoek asko disfrutatu zuten emanaldiarekin.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.