Kiki, Koko eta Moko pailazoen Tururututu pailazo bihurtu ikuskizunak barrez jarri zituen Zubikoara joandakoak. Pailazoen emanaldiaren ondoren, txorimaloen eta erraldoien unea izan zen.
Gainera, Gaztelekuan, gaztetxoendako Dj emanaldia egin zuten. Gaztelekuan mozorrotutako neska-mutiko mordoa elkartu ziren, musika giroan dantza egiteko asmoz.
Txokolatada solidarioa
Udaletxeko arkupetan txokolatada solidarioa egin zuen Misio taldeak. 2 euroren truke txokolatea eta bizkotxoa banatu zuten: lortutako dirua Haitira bideratuko dute.
