Azkenaren kontra jokatuta, lehia erraza izango zela pentsatuz irten ziren Natrako jokalariak kantxara. Lehen bi laurdenetan hala izango zela zirudien eta 15 puntuko tartea ere zabaldu zuten markagailuan. Baina, atsedenaren ostean egoera zaildu egin zen. Ideia garbi barik irten ziren oñatiarrak eta hori baliatu zuten bizkaitarrek bost puntura gerturatzeko: 37-32.
Orduan esnatu ziren etxekoak eta hiru minututan, berriro zabaldu zuten tartea markagailuan, eta, lehia, erabakitzeko bidean utzi zuten. Azken tartean, abantaila handitu besterik ez zuten egin.
"Balorazio txarra"
"Partiduaren balorazioa oso txarra da. Azken sailkatuaren kontra jokatu arren, garaipenak lortu egin behar dira. Askotan jaurtiketa eskasak egin ditugu. Irabazi egin dugu Jarrilleros baino hobeak garelako, baina gaur ez dugu erakutsi", esan zuen bukaeran Gorka Judez entrenatzaileak.
