Zituzten kolpeak konpondu eta berriro margotu dituzte erraldoi eta txorimaloak. Apurtuta edo falta zituzten elementuak ere jarri zaizkie. Arropak zein egoeratan zeuden ere hartu dute kontutan eta zulatuta zeudenak josi egin dituzte. Irungo Garate anaien tailerrean berritu dituzte eta Aratusteetako martitzenean aterako dituzte kalera.
1992an egin zen konpartsako elementuen lehen berritze lan orokorra. Urte horretan erraldoi taldea osatu zen, baserritarrak irudikatzen dituzten bi erraldoiak ekarriz.
