Datuak eskuan, Oñatiko neska-mutikoen %45 oinez doa eskolara, %31 autoz eta %10a autobusez. Patinetez (%11) eta bizikletaz (%1) doanik ere badago. Hori jakiteko galdeketa egin dute herriko ikastetxeetan eta "mugikortasun aktiboa" delakoaren proportzioa handia bada ere, autoz egiten diren joan-etorriak "asko" direla iritzita, mugikortasun jasangarrian sakondu gura dute Eskolako bidea egitasmoarekin.
Ekaina bitartean garatuko dute proiektua eta hasi, bide-segurtasun azterketa tekniko batekin hasiko dira. Oñatiko Lehen Hezkuntzako ikastetxe guztiek hartuko dute parte eta diagnosi komunitarioa gura dute osatu guraso, irakasle eta ikasleen ikuspuntua ere aintzat hartuta. Proposamenak gauzatu bezain laster ikastetxe bakoitzak berean zein esperientzia pilotu ezarriko duen erabakiko du. Azkenik, 2015-16 ikasturterako egin daitezkeen ekintzak zehaztuko dira hezkuntza komunitate osoa batuko duen proiektu hezitzailean.