Eli Pinedo (Bera-Berako jokalaria), Fran Garagarza (Eibar taldeko kirol zuzendaria), Ane Pescador (Pasai Donibaneko arraunlaria) eta Aritz Egea (mendi lasterkaria) kirolariak datoz gaur iluntzean Oñatira, euskara eta kirolari buruz berba egitera.
Duela bi urte Elkar Hezin sortu zuten Euskeria Ixuketan ekimenaren barruan sartzen da ekitaldi hau. Orduan euskara eta kultura izan zuten hizpide, eta gaur, egubakoitza, euskara eta kirola izango dute.
Mahai-inguruaz gain, sari banaketa ere antolatu dute Elkar Heziko ikasleek. Hala, saria jasoko dutenak izango dira: Felipe Uriarte mendizalea, Aratz Losada kazetaria, Josune Odriozola igerilaria eta Aloña Mendi Kirol Elkartea.