Udal eta Foru hauteskundeak 2015

Zapatuan aurkeztuko du Oñatiko EH Bilduk bere alkategaia

Zapaturako deialdiaren kartela.

Oñatiko EH Bilduk bigarren hauteskunde tailerra egingo du zapatuan, Gaztelekuan; eta amaieran, alkatetzarako bere hautagaia aurkeztuko du, Foruen plazan. Tailerraren helburua izango da 2015-2019 agintaldirako programa egituratzea.

Horretarako, alorrez alor lanean aritu diren taldeek euren proposamenak aurkeztuko dituzte eta ekarpenak egiteko taldeka bilduko gara. Behin ekarpenak jasota eta lehen zirriborroa izanda, otsaila eta martxoa bitartean eragile ezberdinekin batuko dira euren herri proiektu proposamena partekatu, iritzia jaso eta lehentasunak finkatzeko.

Iazko irailetik lanean

2014ko irailean ekin zioten hauteskunde lan taldea martxan jarri eta programa egiteko lanketari. Tarte horretan, 2011-2015 agintaldiko irakurketa eta ebaluazioa egin zituzten lehenbizi eta, ondoren, lehenengo hauteskunde tailerrean ebaluazioa partekatzeaz gain, 2015-2019 agintaldirako ideia eta asmoak marrazten hasi ziren. Ordutik eta gaurdaino hamarnaka izan dira taldez talde ideia eta ekarpenak egiten aritu diren oñatiarrak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.