Areto futbol txapelketa egingo dute Euskal preso eta iheslarien lagunek antolatuta

Euskal Preso eta iheslarien lagunek antolatuta areto futbol txapelketa jokatuko dute abenduaren 26an eta 27an Zubikoa kiroldegian. 32 bat orduko txapelketa izango da, eta izena emango duten talde kopuruaren arabera antolatuko dute. Izena abenduaren 23a baino lehen eman behar da.

Izena emateko aukera abenduaren 23ra arte egongo da. Ondoko lekuetan eman daiteke izena: Boga, Arrano, Pako eta Ongi tabernetan. Emakumezkoen eta gizonezkoen txapelketak egingo dituzte. Talde bakoitzean, gutxienez bost jokalari egon beharko dute, eta gutxieneko adina 14 urte izango da.

Finala abenduaren 27an jokatuko dute, 19:00etan. Ondoren, sari banaketa ekitaldia egingo dute: talde irabazleak eta golegile onenak eramango dute saria (bai gizonezkoetan eta baita emakumezkoetan ere).

Kontzertua gaztetxean

Bestalde, zapaturako kontzertua antolatu dute Antixena gaztetxean. Banda Munizipalari Tributoa, Marianitoz Blai! eta O.N.H.C. taldeak igoko dira taula gainera. Kontzertua 22:00etan izango da eta sarrera 2 euro.

Hilaren 31n, manifestazioa

Urtero moduan, presoekiko elkartasun taldeak manifestazioa deitu du hilaren 31rako. Plazan hasiko da manifestazioa, 19:00etan.

Amaitzeko, gogora ekarri dute Sarek urtarrilaren 10ean Bilbon egingo duen manifestazioarekin bat egiten dutela. Hala, hara joateko deia egin diete herritarrei.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.