Espetxe pastoraltzako kideek adierazi duten moduan, "presoek gehien behar dituzten produktuak" batuko dituzte. Hauexek dira produktu horiek: Artilezko txanoak: Barruko arropa berria (Gizon zein emakumeendako): Bainuko txankletak (41 eta 44 zenbaki artekoak); Kirola egiteko oinetakoak (41 eta 44 zenbaki artekoak gizonendako eta 37 eta 40 artekoak emakumeendako; Galtzerdiak eta azazkalak moztekoak. Tabako gorria eta txiskeroak, turroi biguna, kartazalak eta zigiluak ere jasoko dituzte.
Produktuak 18:00etatik 20:00ak arte utz daitezke, gaurtik egubakoitzera, toki hauetan: Garoa aretoan, Hirukar liburu dendan, Sillero oinetako dendan eta Irizar estankoan.