300 pertsona inguru bildu ziren kontzertuan: familia, lagun eta ezagunek ez zuten bi bider pentsatu eta dantzan girotu zuten gaua. Ordubete pasako kontzertua eta gero, argazkiez egindako diaporama bat erakutsi zuten, taldearen 25 urteak islatu zituenak.
Denak hunkituta
Kontzertua eta gero lagun guztiek zoriondu zuten taldea, ikuskizun xume eta oso hunkigarria izan baitzen; emanaldi borobila izan zela azaldu du Mikel Lasa eskusoinu-joleak. Hala ere, nahiz eta kontzertuarekin eta ingurukoek erakutsitako laguntasunagatik pozik egon, penatuta dago taldea: agurrak beti izan ohi dira gazi-gozoak.