Orain arte, sinbolo hori Jean Louis Davant edo Benito Lertxundi bezalako izen handiek jaso dute. Nabarralde Saria ez dute pertsona jakinek bakarrik eskaini, esaterako, nafar Erriberako Beterri Elkarteari edo Ikastola proiektuari ere eman zaie. Nabarraldetik diotenez, aurten Oñatikoari eman gura izan diote saria, Euskal Herriko proiektu asko isilean eta eskuzabaltasunez bultzatu dituelako.
Gutxik dakite kultura, hedabide edo hezkuntza alorreko ekimen ugarik, egunkariak, zailtasunak dituzten ikastolak, literatur sariak, herri ekimenak, edo kirol espedizioak, oñatiar honen babesa eta laguntza izan dutela oinarri, besteak beste.
Omenaldia gaur
Kontuak kontu, Nabarraldek gaur, abenduaren 3an, Oñatin egingo dio omenaldi xume bat Juan Zelaiari, Nafarroaren eta euskararen eguna aitzaki hartuta. Horrekin batera, Nabarraldekoek, esker ona adierazi nahi izan diote oñatiarrari, une zailetan herriaren alde lan egin eta egiten jarraitzen duelako.