Extremadurako Elkarteen Euskadiko Federazioak antolatuta, La Bellota Legazpiko Extremadurako Elkartearen laguntzarekin, Gabon kanten eta dantzen 23. jaialdia egin zuten atzo, Oñatiko Santa Ana aretoan. Oñatiko Udala, Foru Aldundia, Badajozeko Aldundia, Eusko Jaurlaritza eta Extremadurako Gobernua ibili dira antolaketa lanetan.
Extremadurako jotak entzutera eta dantzak ikustera jende mordoa hurbildu zen: Santa Ana gainezka egon zen eta pertsona asko sartu gabe geratu ziren. Bestalde, aipatzekoa da ere, kanpoko jende asko etorri zela: Donostiako, Errenteriako, Ermuko, Galdakaoko, Santurtziko eta Legazpiko Extremadurako elkarteak izan zirelako Gabon jaialdian parte hartu zutenak.
Gonbidatu moduan, Oñatiko Aloña erretiratuen abesbatzak ere bere hazia jarri eta elkarteekin batera abestu zuen.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.