Ahalik eta hondakin gutxien sortzearren diploma eman dio Elikagaien Bankuak Natra Zahorri

Ekitaldian saritu zituzten enpresetako ordezkariak. Argazkia: Foru Aldundia.

Gipuzkoako Elikagai Bankuak 2014ko sariak banatu zituen azaroaren 21ean, Hondakinak Prebenitzeko Astearen harira. Ekitaldian, Martin Garitano diputatu nagusiak, Iñaki Errazkin Ingurumeneko eta Lurralde Antolaketako diputatuak eta Javier Saenz Elikagai Bankuko lehendakariak parte hartu zuten. SDA Aduna enpresak jaso zuen plaka, eta Elikagai Bankuaren proiektuetan laguntzen duten beste 28 enpresak diploma bana eskuratu zuten, tartean Oñatiko Natra Zahorrek.

Hondakinak Prebenitzeko Astearen harira egin zuen Gipuzkoako Elikagaien Bankuak sari banaketa. Plaka SDA Aduna enpresak jaso zuen eta beste 28 enpresak diploma bana jaso zuten, tartean Natra Zahorrek.

"Ahalik eta hondakin gutxien sortu behar da"

Iñaki Errazkinek ingurumen alorrean Elikagai Bankuak egiten duen lana nabarmendu zuen ekitaldian: "Ahalik eta hondakin gutxien sortu behar da, hierarkiak dioenaren arabera, eta Elikagai Bankuak horixe egiten du, bestela zabortegietara joango liratekeen jakiak jasotzen ditu eta".

Martin Garitanoren berbak

Martin Garitanok adierazi zuenez, "krisia gogor jotzen ari da, eta arduraz jokatu behar dugu: arduraz eta justizia ikuspegi batez. Ezin dugu inor bazterrean utzi. Aberastasuna hobeto banatu behar dugu, eta zerbitzu sozialak indartu behar ditugu. Gipuzkoa justuagoa eta sozialagoa behar dugu; ahalegin horretan ari gara". Elikagai Bankuak balio horiek, konpartitu ez ezik, zabaldu ere egiten dituela gaineratu zuen diputatu nagusiak. "Gipuzkoarrok harro gaude Elikagai Bankuaren lanarekin", esan zuen Garitanok.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.