10:00ak inguruan gertatu da istripua, Gi 2630 errepidean. Segurtasun Sailak emandako informazioaren arabera, bi autok elkar jo dute aurrez aurre, eta anbulantzia bertan da egon daitezkeen zaurituak artatzen. Errei bat itxita dago, Elorregirako noranzkoan.
Oñati eta Elorregi artean dagoen hormigoizko enpresa parean izan dute istripua bi autoek, Zubillagako sarreran. Eta aurrez aurreko golpea izan badute ere, momentuz ez da medikalizatutako anbulantzia bertaratzeko eskaerarik izan, beraz, hasiera batean, behintzat, ez dirudi istripu larria izan denik.
Edozelan ere, anbulantzia bertan da oraindik, eta ez dago xehetasun gehiago aurreratzerik, Segurtasun Sailaren arabera.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.